MongolianEnglish (United Kingdom)

Мэдээллийн ил тод байдал

iaacmn
11-11

Улсын төсвөөр хийсэн хайгуулын ажлын нөхөн төлбөрийн хэмжээ тооцох Засгийн газрын 81-р тогтоол

Энд дарж татаж авна уу.

INVEST MM

daniel_hertzberg_invest

Хөрөнгө оруулагчийн гарын авлага

"МОНГОЛ ОРНЫ МЕТАЛЛ БУС БОЛОН ЗАРИМ ХОВОР МЕТАЛЛ АШИГТ МАЛТМАЛ"

Ашигт Малтмалын Газар

Худалдах үнэ: 30$

Төрийн сан банк

Данс: 900018003

АМГ
Ашигт малтмалын газрын удирдлага болон нийт албан хаагчдад “ Төрийн албан хаагчийн манлайлал, ур чадвар ” сэдэвт сургалт зохион байгуулагдлаа
2014 оны 10-р сарын 27, Даваа гариг, 16:26

Олон Улсын хүүхдийн “Найрамдал” төвд 10 дугаар сарын 26-ны өдөр Ашигт малтмалын газрын нийт албан хаагчдад зориулан 3 төрлийн сэдвээр  сургалт, хэлэлцүүлэг зохион байгуулагдлаа.

 

Дэлгэрэнгүй...
 
Мэндчилгээ

D.Uuriintuya

Хүннү гүрний 2223 жил, Их Монгол улс байгуулагдсаны 808 жил, Ардын хувьсгалын 93 жилийн ой, Үндэсний их баяр наадмын мэндийг агентлагийн албан хаагчид, тусгай зөвшөөрөл эзэмшигч, харилцагч байгууллага, Монголын нийт ард түмэн та бүхэндээ хүргэж эрүүл энх, аз жаргал, ажлын амжилт, хамгийн сайн сайхан бүхнийг хүсэн ерөөе.

 

2014 онд "Төрөөс эрдэс баялгийн салбарт баримтлах бодлого"-ын баримт бичиг, "Түгээмэл тархацтай ашигт малтмалын тухай хууль", "Ашигт малтмалын тухай хуульд нэмэлт өөрчлөлт оруулах тухай" хуулиуд батлагдаж эрдэс баялгийн салбарын эрх зүйн орчин сайжирч Шинэчлэлийн Засгийн Газраас зарласан "Эдийн засгийг эрчимжүүлэх 100 хоног-ийн ажил эрчимтэй явагдаж байна.

Манай агентлагийн хамт олон 2014 оны эхний хагас жилийн ажлаа 90 хувиас дээш хувийн амжилттай гүйцэтгэж хуулиар хүлээсэн чиг үүргээ зохих ёсоор биелүүлж ажиллаа.

 

Сүүлийн хагас жилд шинэ хуулиудыг сурталчлан таниулах, хэрэгжүүлэх, аж ахуйн нэгж байгууллага,харилцагч, хөрөнгө оруулагчиддаа хөнгөн шуурхай, нээлттэй ил тод үйлчилгээ үзүүлэх зорилго тавин ажиллаж байна.

 

Үндэсний их баяр наадмаар айл хотол, ахан дүүсээрээ өргөн дэлгэр сайхан наадаж морь тань хурдан, бөх тань хүчтэй, нум тань мэргэн байхын ерөөл өргөе.

 

Д.Үүрийнтуяа

                                                  Даргын үүргийг түр орлон гүйцэтгэгч        

 
Кадастрын мэдээллийг цаг алдалгүй авах боломжийг бүрдүүлжээ
2014 оны 5-р сарын 19, Даваа гариг, 09:41

“Уул уурхайн кадастрын компьютержсэн системийг интернэт орчин байршуулах төсөл” хэрэгжүүлсэн талаар хэвлэлийн баг хурал болов.

АМГ-ын Кадастрын хэлтсийн дарга Н.Чинбаатар хэвлэлийн бага хурал дээр мэдээлэл хийхдээ “Манай хэлтэст Дэлхийн банкны санхүүжилтээр “Уул уурхайн салбарын институцийг бэхжүүлэх техник туслалцааны төсөл”-ийн дэд хэсэг болох “Уул уурхайн кадастрын компьютержсэн системийг интернетийн орчинд байршуулах төсөл” амжилттай хэрэгжиж дууслаа.

Дэлгэрэнгүй...
 
Уул уурхайн шинжилгээ, туршилтын лаборатор

Уул уурхайн шинжилгээ, туршилтын лабораторийн дарга С.Алтанхуяг

Ахлах шинжээч, доктор (PhD) Ж.Нарангэрэл 

Уул уурхайн шинжилгээ, туршилтын лабораторийн үйл ажиллагааны стратеги 

  1. 1. Үйл ажиллагааны стратегийн мөн чанар

Лабораторийн үйл ажиллагааны стратегийн мөн чанар нь Ашигт малтмалын тухай хууль болон холбогдох хууль тогтоомжууд, Засгийн газрын үйл ажиллагааны хөтөлбөр, Уул уурхайн сайд, дэд сайдын бодлогын удирдамжийг хэрэгжүүлэхэд оршино.

  1. 2. Yйл ажиллагааны тэргүүлэх чиглэл

Ашигт малтмалын бүх төрлийн шинжилгээ, тэдгээрийг гүнзгий боловсруулах технологийн туршилтын ажил гүйцэтгэх, уул уурхайн бохирдлыг тогтоох, олон улсын жишигт хүрч магадлан итгэмжлэгдсэн, лаборатори болох, уул уурхай, нүүрс, шатдаг занар, хими, металлургийн үйлдвэрийн томоохон цогцолборуудыг барьж байгуулах төрийн бодлогыг хэрэгжүүлэхэд суурь үйлчилгээ үзүүлэх

  1. 3. Үйл ажиллагааны эрхэм зорилго

Лабораторийн эрхэм зорилго нь төрөөс уул уурхайн салбарын хөгжлийн бодлого боловсруулахад дэмжлэг үзүүлэх, аж ахуйн нэгж, байгууллагуудад хөнгөн шуурхай, шударга үйлчилгээ үзүүлэх төрийн бодлогыг хэрэгжүүлэх замаар эдийн засгийн хөгжилд эрдэс баялагийн салбарын гүйцэтгэх үүргийг нэмэгдүүлэх

  1. 4. Yйл ажиллагааны стратегийн зорилт

Уул уурхайн асуудал эрхэлсэн төрийн захиргааны төв байгууллагад уул уурхайн салбарын хөгжлийн бодлого боловсруулахад дэмжлэг үзүүлэх, шаардлагатай суурь мэдээллээр хангах, Засгийн газрын бодлого хэрэгжүүлэхэд бүх талын таатай орчинг бүрдүүлэх

  1. 5. Yйл ажиллагааны гол зорилт

Лабораторийн стратегийн гол зорилтыг хэрэгжүүлэхэд чиглэсэн дор дурдсан зорилтуудыг үйл ажиллагаандаа хэрэгжүүлнэ:

 

5.1.Нүүрс, шатдаг занарын гүн боловсруулалт, хийжүүлэлт, коксжуулалт, шингэрүүлэлтийн үйлдвэрлэлийн дэвшилтэт технологиудыг нутагшуулан хөгжүүлж, импортыг орлох химийн, нефть химийн бүтээгдэхүүн үйлдвэрлэх шинжлэх ухаан, технологийн туршилт, судалгааны суурь бий болгох

5.2.Ашигт малтмалын шинжилгээ, туршилтын зориулалттай орчин үеийн тоног төхөөрөмжүүд, сүүлийн үеийн стандартуудыг лабораторид ашиглан, шинжилгээ, туршилтын ажлын бүтээмжийг нэмэгдүүлж, чанарыг сайжруулах

5.3.Уул уурхайн орчны бохирдлыг тогтоох шинжилгээнүүдийг чиг үүргийн дагуу болон захиалгаар хийж гүйцэтгэх, мэдээллийн санг өргөжүүлэх

  1. 6. Лабораторийн шинжилгээ, туршилт

6.1.Лабораторийн итгэмжлэлийн хүрээнд гүйцэтгэж буй шинжилгээ туршилт

  • Хатуу түлшний техникийн иж бүрэн шинжилгээ: Чулуун ба хүрэн нүүрс, занар, хагас кокс, кокс, шахмал түлш г.м. хатуу түлшний Чийг (W), Үнс (A), Нийт хүхэрийн агуулга (St), Дэгдэмхий бодисын гарц (V), Илчлэг (Q).
  • Хатуу түлшний физик, механик болон коксжих, дулааны шинж чанарын шинжилгээ: Нягт, Гадаргуйн талбай, Сүвэршилийн хэмжээ, Үнсний хайлах температур, Чөлөөт хөөлтийн зэрэг (FSI), Рога ба Жи индекс (RI and GI), Дилатаци, Грей-Кингийн коксын төрөл (GK).
  • Хатуу түлшийг баяжуулах, брикетлэх, утааны найрлага тодорхойлох туршилтууд: Хатуу түлшийг Флотацийн аргаар баяжуулах, Холбогчгүйгээр шахах, Түлшний шатаалтаас үүсэх хорт хийн найрлага.

6.2.2014 оны 1-р улирлаас шинээр нэмэгдэх шинжилгээ

  • Хатуу түлшний техникийн шинжилгээ: Дулааны термогравиметрийн (TGA),
  • Хатуу түлшний коксжих, дулааны шинж чанарын шинжилгээ: Пластометрийн үзүүлэлтүүд, Нүүрсний хагас коксжуулалтын давирхайн гарц тодорхойлох шинжилгээ (Fisher Assay).
  • Ашигт малтмалын бүтэц, найрлагын шинжилгээ: Органик түүхий эдийн Үндсэн элементүүд (C, H, N), эрдэс түүхий эдийн Ховор элементүүдийн, Дэгдэмхий органик нэгдлүүдийн, Нүүрсний Битумын гарц, Нүүрсний петрографийн шинжилгээ.
  • Уул уурхайн орчны бохирдлын шинжилгээ, үнэлгээ: Хөрс ба усанд агуулагдах Хүнд ба ховор элементүүд, Мөнгөн ус, Циан, Фтор, Хлор, Газрын тосны бохирдлын.
  1. Лабораторийн шинжилгээ, туршилтын нэр, зориулалт

7.1.Лабораторийн итгэмжлэлийн хүрээнд гүйцэтгэж буй шинжилгээ туршилт

 

 

Шинжилгээ, туршилтын нэр

Зориулалт

 

Хатуу түлшний техникийн иж бүрэн шинжилгээ:

1

Дээж бэлтгэх

Шинжилгээ, туршилтын дээж бэлтгэх

2

Чийг

Хатуу түлшинд агуулагдаж байгаа ажлын болон аналитик чийгийн хэмжээг тодорхойлох

3

Үнслэг

Хатуу түлшинд агуулагдаж байгаа үнсний хэмжээг тодорхойлох

4

Дэгдэмхий бодисын гарц

Хатуу түлшийг дулааны задралд оруулахад ялгарч байгаа бодисын гарцыг тодорхойлох

5

Хүхэр

Хатуу түлшинд агуулагдаж байгаа хүхрийн хэмжээг тодорхойлох

6

Илчлэг

Хатуу түлшийг шатаахад ялгарах дулааны хэмжээг тодорхойлох

 

Хатуу түлшний физик, механик болон коксжих, дулааны шинж чанарын шинжилгээ

7

Харьцангуй нягт

Хатуу түлшний нягтын хэмжээг тодорхойлох

8

Үнсний хайлах температур

Хатуу түлшний шаталтаас үүссэн үнсний хайлах температурыг тодорхойлох

9

Гадаргуун талбай, нүх сүв

Хатуу бодисын гадаргуун талбай, сүвэршлийн хэмжээг тодорхойлох

10

Барьцалдах чанар

Өндөр температурт чулуун нүүрсний органик бодис хайлж хоорондоо барьцалдах чанар буюу Рога, Жи индексүүдийг тодорхойлох

11

Хөөлтийн зэрэг

Өндөр температурт чулуун нүүрсний органик бодис хөөж эзлэхүүнээ тэлэх чанар буюу Чөлөөт хөөлтийн индексийг тодорхойлох

12

Грей-Кингийн аргаар коксжилтын төрөл тодорхойлох

Өндөр температурт чулуун нүүрсний органик бодисын задралаас үүссэн хатуу үлдэгдлийн хэлбэр, задралын бүтээгдэхүүнүүдийн гарцыг  тодорхойлох

13

Дилатометрийн аргаар коксжилт тодорхойлох

Өндөр температурт чулуун нүүрсийг халаахад өөрчлөгдөх эзлэхүүний агшилт ба тэлэлтийг  тодорхойлох

 

Хатуу түлшийг баяжуулах, брикетлэх, утааны найрлага тодорхойлох туршилтууд

14

Баяжигдах чанар

Янз бүрийн нягттай хүнд шингэн ашиглан нүүрсийг хувийн жингээр нь ялгаж баяжигдах чанарыг нь тодорхойлох

15

Баяжуулалтын туршилт

Флотацийн аргаар баяжуулах туршилт гүйцэтгэх

16

Холбогчгүйгээр шахах

Нам даралт болон температурт хатуу түлшийг шахаж шахмал үйлдвэрлэх боломжийг тодорхойлох

17

Түлшний шатаалтаас үүсэх хорт хийн найрлага

Түлшний шатаалтаас үүсэх утаанд SOx, NOx, CO г.м. хийн агуулгыг тодорхойлох

 

7.2.2014 оны 1-р улирлаас шинээр нэмэгдэх шинжилгээ

 

 

Шинжилгээ, туршилтын нэр

Зориулалт

 

Хатуу түлшний техникийн шинжилгээ

1

Дулааны термогравиметрийн (TGA)

Хатуу түлшинд агуулагдаж байгаа чийг, дэгдэмхий бодис, үнслэгийн хэмжээг нэг дээжээс тодорхойлох

 

Хатуу түлшний коксжих, дулааны шинж чанарын шинжилгээ

2

Пластометрийн үзүүлэлтүүд

Өндөр температурт чулуун нүүрсний органик бодисоос үүссэн уян харимхай массын зуурамтгай ба урсамтгай шинж чанарыг тодорхойлох

3

Нүүрсний хагас коксжуулалтын давирхайн гарц (Fisher Assay)

Өндөр температурт хатуу түлшний задралаас үүссэн бүтээгдэхүүнүүдийн (хагас кокс, давирхай, ус, хий) гарцыг  тодорхойлох

 

Ашигт малтмалын бүтэц, найрлагын шинжилгээ

4

Органик түүхий эдийн үндсэн элементүүд (C, H, N)

Органик түүхий эдийн үндсэн элементүүдийн (C, H, N) агуулгыг зэрэг тодорхойлох

5

Эрдэс түүхий эдийн хүнд ба ховор элементүүд

Эрдэс түүхий эдэд ховор элементүүдын агуулгыг тодорхойлох

6

Дэгдэмхий органик нэгдлүүд

Газрын тос болон газрын тосны бүтээгдэхүүнд буй дэгдэмхий органик нэгдлүүдийн агуулгыг тодорхойлох

7

Нүүрсний битум

Нүүрсэнд агуулагдаж буй хандлагдах бодисын хэмжээг Сокслетийн аргаар тодорхойлох

8

Нүүрсний петрографийн

Нүүрсний петрографийн найрлагыг тодорхойлох

 

Уул уурхайн орчны бохирдлын шинжилгээ, үнэлгээ

9

Хөрс ба усанд агуулагдах хүнд ба ховор элементүүд

Хөрс ба усанд хүнд ба ховор элементүүдийн агуулгыг тодорхойлох

10

Мөнгөн ус

Хөрс, тунац, нүүрс, ургамалд мөнгөн усны агуулгыг тодорхойлох

11

Циан

Хөрс ба усанд хүнд ба ховор элементүүдийн агуулгыг тодорхойлох

12

Фтор, хлор

Усанд фтор, хлор элементүүдийн агуулгыг тодорхойлох

13

Газрын тосны бохирдлын

Газрын тос болон газрын тосны бүтээгдэхүүнээр бохирдсон хөрсний бохирдлын хэмжээг тодорхойлох

 Uul-lab

 

 
Хяналт шинжилгээ, үнэлгээ, статистик мэдээллийн хэлтэс
2012 оны 11-р сарын 22, Пүрэв гариг, 09:50

Хяналт шинжилгээ, үнэлгээ, статистик мэдээллийн хэлтсийн дарга С.Цогзолмаа

 

Энэ хэлтэс нь АМГ-ын үйл ажиллагаанд удирдлагын тэргүүний арга барил, туршлагыг нэвтрүүлэх, хөгжлийн асуудлыг шийдвэрлэх, хууль, тогтоомжийн хэрэгжилтийг хангуулах, дотоод хяналт шалгалтын тогтолцоог буй болгох, удирдлагын шийдвэр, бодлого журмын хэрэгжилтэнд хяналт үнэлгээ хийх, санхүү бүртгэлийн үйл ажиллагааг дотоод аудитаар хангах, аппаратын үйл ажиллагааны үр нөлөө, үр ашгийг дээшлүүлэх, нэгжүүдийн ажлын уялдаа холбоог сайжруулах, ажлаа тайлагнах, хариуцлага тооцох, үр дүнг үнэлэн дүгнэх, урамшуулах тогтолцоог боловсронгуй болгох, агентлагийн бүх үйл ажиллагаанд хяналт, шинжилгээ, үнэлгээ хийх, нэгдсэн статистик мэдээллийн сан бий болгох, шаардлагатай мэдээллээр удирдлага, бусад байгууллагуудыг шуурхай хангах үндсэн чиг үүргийг хэрэгжүүлнэ.

 

ХШҮСМХ-ийн үйл ажиллагаа нь үйлчилгээний хүртээмж, чанар, үйлчлүүлэгчдийн сэтгэл ханамж, үйл ажиллагааны ахиц дэвшил, алдаа сургамжийг тодорхойлон цаашид бодлого, хөтөлбөр, үйл ажиллагааг сайжруулах талаар санал зөвлөмж боловсруулах, удирдлагыг шаардлагатай мэдээлэл, статистик мэдээ, зөвлөгөө, дэмжлэгээр хангах, удирдлагын тэргүүний арга барил, туршлагыг нэвтрүүлэх, байгууллагын санхүү, бүртгэлийн тайлангийн дотоод аудитын байнгын хяналтыг бий болгох, ажилтнуудыг чадваржуулах, мэргэжүүлэх, үйл ажиллагаа, мэргэшлийн түвшинг үнэлж дүгнэх замаар хэрэгжинэ.

 

Энэ хэлтсээс  үзүүлэх үйлчилгээний үндсэн хэрэглэгч нь АМГ-ын дарга, газрын зохион байгуулалтын бүтцийн нэгжүүд, тэдгээрийн ажилтнууд байх бөгөөд шууд бус хэлбэрээр энэ үйлчилгээг хэрэглэгч нь Уул уурхайн сайд, дэд сайд, Уул уурхайн яам, Төрийн албаны зөвлөл, Засгийн газрын тохируулагч, хэрэгжүүлэгч агентлаг, аж ахуйн нэгж, иргэд байна.

 

Хяналт шинжилгээ, үнэлгээ, статистик мэдээллийн хэлтэс нь үйл ажиллагааны дараахь чиг үүрэгтэй байна:

  1. АМГ-ын газрын бүх дотоод бүтцийн нэгжүүдийн гүйцэтгэж буй хөтөлбөр, арга хэмжээ, төсөл, үйл ажиллагаануудад ХШҮ хийх, АМГ-ын үйл ажиллагаа хуульд нийцэж буй эсэхэд хяналт тавих;
  2. Агентлагийн байгууллагуудтай хийх аливаа гэрээ, санамж бичиг нь ёс зүй болон “Нийтийн албанд нийтийн болон хувийн ашиг сонирхлыг зохицуулах, ашиг сонирхлоос урьдчилан сэргийлэх тухай” хуульд нийцсэн эсэхэд хяналт тавих;
  3. Засгийн газрын үйл ажиллагааны хөтөлбөр, Монгол Улсын эдийн засаг, нийгмийг хөгжүүлэх үндсэн чиглэлийн тус газрын үйл ажиллагааны хүрээнд хамрах арга хэмжээнүүдийн хэрэгжилтэнд хяналт тавих, үр дүнг гаргуулан АМГ-ын удирдлагад танилцуулан холбогдох арга хэмжээг тухай бүр авч хэрэгжүүлэх, Уул уурхайн яаманд тайлагнах;
  4. Удирдах дээд байгууллагын тогтоол, тушаал, шийдвэр, төлөвлөгөөний биелэлт, хэрэгжилтэд дотоод хяналт тавих, гүйцэтгэлийг гаргуулан нэгтгэж удирдлагад болон холбогдох байгууллагад тайлагнах, хяналт шинжилгээ, үнэлгээ хийх;
  5. АМГ-ын дотоод үйл ажиллагаанд мөрдүүлэх дүрэм, журам, хамтын гэрээ, хөдөлмөрийн гэрээ, бусад шийдвэрийн биелэлтэд хяналт тавих, гүйцэтгэлийг хангуулах ажлыг зохион байгуулах;
  6. Хөдөлмөрийн сахилга, байгууллагын дотоод дэг журмыг хангуулах, хариуцлага тооцох, урамшуулах тогтолцоог бүрдүүлэн хэвшүүлэх ажлыг хариуцан зохион байгуулах;
  7. Аппаратын нэгжүүдийн болон ажилтнуудын ажлын үр дүнг үнэлж дүгнэх, тайлагнах, хариуцлага тооцох, урамшуулах механизмыг боловсронгуй болгох;
  8. АМГ-ын   аж   ахуй,   санхүүгийн тайланд дотоод аудитын байнгын хяналт тавих;
  9. АМГ-ын хэмжээнд дотоод хяналт шалгалтын тогтолцоог нэвтрүүлж, үр нөлөөтэй хэрэгжүүлэх;
  10. АМГ-ын нэгжүүдээс гаргасан тайлан мэдээнд дүн шинжилгээ хийх;
  11. Геологи, уул уурхай, кадастрын статистикийн нэгдсэн мэдээллийн санг үүсгэх, хөгжүүлэх, мэдээллээр хангах
  12. Тогтмол хугацаанд байгууллагын нэгдсэн статистик тайланг гаргаж хэвших
  13. Холбогдох газруудад тайланг хүргүүлэх, мэдээллээр хангах

 

Нэг. Нийтлэг үндэслэл

 

1.1. Оршил

Хяналт-шинжилгээ, үнэлгээ, статистик мэдээллийн хэлтэс \цаашид “хэлтэс” гэх\-ийн үйл ажиллагааны стратеги, зохион байгуулалтын бүтцийн өөрчлөлтийн хөтөлбөр \цаашид “хөтөлбөр” гэх\-ийн зорилго нь дотоод хяналт шалгалт, аудитын тогтолцоог буй болгох, хууль тогтоомж, бодлого, журам, удирдлагын шийдвэр, арга хэмжээний хэрэгжилтэд хяналт-шинжилгээ, үнэлгээ хийх, геологи, уул уурхай, нүүрсний салбарын статистик мэдээллийн санг бүрдүүлэн удирдлага болон иргэд, байгууллагуудыг мэдээллээр хангах зэрэг асуудлуудыг хамарсан хэлтсийн үйл ажиллагааны стратеги, зохион байгуулалтын бүтцийн үндэслэлийг тодорхойлоход оршино.

 

1.2. Үндэслэл

Хөтөлбөрийг боловсруулахдаа Уул уурхайн Сайдын 2012 оны 37 дугаар тушаалаар баталсан “Ашигт малтмалын газрын үйл ажиллагааны стратеги, зохион байгуулалтын бүтцийн өөрчлөлтийн хөтөлбөр”, Засгийн газрын агентлагийн эрх зүйн байдлын тухай хуулийг тус тус үндэс болгов.

 

1.3. Хууль тогтоомжийн орчин

Хөтөлбөрийг дор дурдсан хууль тогтоомжийн хүрээнд хэрэгжүүлнэ:

  1. Монгол Улсын Үндсэн хууль;
  2. Монгол Улсын Засгийн газрын тухай хууль;
  3. Засгийн газрын агентлагийн эрх зүйн байдлын тухай хууль;
  4. Монгол Улсын Төрийн албаны тухай хууль;
  5. Хөдөлмөрийн хууль;
  6. Төсвийн байгууллагын удирдлага, санхүүжилтийн тухай хууль;
  7. Нягтлан бодох бүртгэлийн тухай хууль;
  8. Төрийн хяналт шалгалтын тухай хууль;
  9. Ашигт малтмалын тухай хууль;
  10. Аж ахуйн үйл ажиллагааны тусгай зөвшөөрлийн тухай хууль;
  11. Газрын тухай хууль;
  12. Газрын хэвлийн тухай хууль;
  13. Байгаль орчныг хамгаалах тухай хууль (цогц) ;
  14. Үндэсний аюулгүй байдлын тухай хууль;
  15. Бусад хууль тогтоомж;

 1.4. Арга зүй

Хөтөлбөрийг боловсруулахад газрын үйл ажиллагааны стратеги, зохион байгуулалтын бүтцийн өөрчлөлтийн хөтөлбөр боловсруулсан туршлага, мэдээллийг ашиглав.

 

1.5. Хэлтсийн үүрэг, хариуцлагын ерөнхий хуваарь

Хяналт-шинжилгээ, үнэлгээ, статистик мэдээллийн хэлтэс нь дотоод хяналт шалгалт, аудитын тогтолцоог буй болгох, хууль тогтоомж, бодлого, журам, удирдлагын шийдвэр, арга хэмжээний хэрэгжилтэд хяналт-шинжилгээ, үнэлгээ хийх, статистик мэдээллийн санг бүрдүүлэн удирдлага болон иргэд, байгууллагуудыг мэдээллээр хангах, үр нөлөө, үр ашгийг дээшлүүлэх санал боловсруулах, тайлагнах, хариуцлага тооцох, урамшуулах тогтолцоог боловсронгуй болгох үүрэг, хариуцлага хүлээж Агентлагийн даргад бүх талын зөвлөгөө, дэмжлэг үзүүлнэ.

 

1.6. Стратегийн удирдлага, зохицуулалтын хэрэгцээний эх үүсвэр

 

Удирдлага, зохицуулалтын хэрэгцээний эх үүсвэр буюу Хяналт-шинжилгээ, үнэлгээ, статистик мэдээллийн хэлтсээс үзүүлэх үйлчилгээний үндсэн хэрэглэгч нь АМГ-ын дарга, дэд дарга, газрын зохион байгуулалтын бүтцийн нэгжүүд, тэдгээрийн ажилтнууд байх бөгөөд шууд бус хэлбэрээр энэ үйлчилгээг хэрэглэгч нь Уул уурхайн сайд, дэд сайд, Уул уурхайн яам, Төрийн албаны зөвлөл, Засгийн газрын тохируулагч, хэрэгжүүлэгч агентлаг, аж ахуйн нэгж, иргэд байна.

Стратегийн удирдлага, зохицуулалт нь дээр дурдсан хэрэгцээний эх үүсвэр, үндсэн үйлчлүүлэгч буюу хэрэглэгчийн эрэлт хэрэгцээг хангахтай холбогдон үүсэх харилцааг зохицуулахад чиглэнэ. Хэлтсийн стратегийн удирдлага, зохицуулалтын хэрэгцээг хангах үйлчилгээний хүрээ, төрөл, хэлбэрийг хэрэгцээний эх үүсвэр бүрээр тогтоон тус хэлтсийн  зохион байгуулалтын бүтцийн нэгжийн зорилт, чиг үүрэг, төрийн албан хаагчдын ажлын байр \албан тушаал\-ны тодорхойлолтод нарийвчлан тусгаж хэрэгжүүлнэ.

 

Хоёр. Хэлтсийн үйл ажиллагааны стратеги

 

2.1. Үйл ажиллагааны стратегийн мөн чанар

Хэлтсийн үйл ажиллагааны стратегийн мөн чанар нь агентлагийн үйл ажиллагаанд хяналт-шинжилгээ, үнэлгээ хийх, геологи, уул уурхай, нүүрсний салбарын статистик мэдээллийн санг үүсгэн бий болгох, удирдлага болон иргэд, байгууллагуудыг мэдээллээр хангахад оршино.

 

2.2. Yйл ажиллагааны тэргүүлэх чиглэл

Хяналт-шинжилгээ, үнэлгээ, статистик мэдээллийн хэлтэс нь үйл ажиллагааны дор дурдсан тэргүүлэх чиглэлтэй ажиллана:

 

2.2.1. Агентлагийн дотоод хяналт шалгалт, аудитын тогтолцоог бий болгох;

 

2.2.2. Хууль тогтоомж, бодлого, журам, удирдлагын шийдвэр, арга хэмжээний хэрэгжилтэд хяналт-шинжилгээ, үнэлгээ хийх;

 

2.2.3. Геологи, уул уурхай, нүүрсний салбарын статистик мэдээллийн санг бүрдүүлэн удирдлага болон иргэд, байгууллагуудыг мэдээллээр хангах;

 

2.3. Үйл ажиллагааны эрхэм зорилго

Хяналт-шинжилгээ, үнэлгээ, статистик мэдээллийн хэлтсийн эрхэм зорилго нь газрын алба, хэлтэс, тасгуудын эрхэлсэн асуудал, газрын хэмжээнд хэрэгжүүлж байгаа хөтөлбөр, арга хэмжээ,  үйл ажиллагаа, тэдгээрийн явц, гүйцэтгэл, хүрсэн түвшинг тодорхойлж, бодлогын хэрэгжилтэд хяналт-шинжилгээ хийх, үр дүнд нь үнэлгээ, дүгнэлт, зөвлөмж өгөх, дотоод аудитын хяналт тавих, геологи, уул уурхай, нүүрсний салбарын статистик мэдээллийн санг бүрдүүлэх, удирдлагыг цаг үеэ олсон үнэн зөв мэдээллээр хангах, шийдвэр гаргахад дэмжлэг үзүүлэхэд оршино.

 

2.4. Yйл ажиллагааны стратегийн зорилт 

Хяналт-шинжилгээ, үнэлгээ, статистик мэдээллийн хэлтэс нь эрхэм зорилгынхоо хүрээнд дор дурдсан үйл ажиллагааны стратегийн зорилтыг хэрэгжүүлнэ:

 

2.4.1. Агентлагийн үйл ажиллагаанд хяналт-шинжилгээ, үнэлгээ хийх, дотоод аудитын хяналт тавих, статистик мэдээллийн сан бий болгох.

 

2.5. Yйл ажиллагааны гол зорилт

Хяналт-шинжилгээ, үнэлгээ, статистик мэдээллийн хэлтсийн стратегийн зорилтын хүрээнд түүнийг хэрэгжүүлэхэд чиглэсэн дор дурдсан үйл ажиллагааны гол зорилтыг хэрэгжүүлнэ:

 

2.5.1 Газрын үйл ажиллагаан дахь хууль тогтоомж, УИХ, Засгийн газрын тогтоол шийдвэрийн хэрэгжилтэд хяналт-шинжилгээ, үнэлгээ хийх, үр дүнгийн гэрээ, арга хэмжээний гүйцэтгэлийн тайланд хяналт-шинжилгээ хийж, үнэлгээ өгөх, зөвлөмж гаргах;

2.5.2. Геологи, уул уурхай, нүүрсний салбарын статистик мэдээллийн санг бүрдүүлэх, удирдлагыг мэдээллээр хангах;

2.5.3. Газрын дотоодын хяналтыг сайжруулж, үр нөлөө, үйл ажиллагааны үр ашгийг дээшлүүлэх, үр дүнг тайлагнах, үүнтэй холбоотой хариуцлага болон урамшуулал тооцож ажиллах тогтолцоог боловсронгуй болгох;

2.5.4. Улсын төсвийн хөрөнгө, өр төлбөр, орлого, зарлага, хөрөнгийн зарцуулалтад дотоод аудитын хяналт тавих, гадаадын зээл, буцалтгүй тусламжийн хөрөнгөөр санхүүжигдэж байгаа төсөл, хөтөлбөр, хамтын ажиллагааны хүрээнд хийгдсэн гэрээ, хэлэлцээрийн хэрэгжилтэд хяналт-шинжилгээ хийж, үнэлгээ, үнэлэлт дүгнэлт өгч, зөвлөмж гаргах;

2.5.5. Газрын ажлын байрны давхардал, сул, дутагдалтай байдалд хяналт шинжилгээ, үнэлгээ хийн санал боловсруулах;

2.5.6. Байгууллагын соёл, үйлчилгээ, ажлын зохион байгуулалтын нээлттэй байдлын талаарх иргэдийн сэтгэл ханамжийн судалгааг хагас жил тутам хийх, үр дүнгийн дагуу хяналт-шинжилгээ, үнэлгээ хийх, зөвлөмж боловсруулах;

 

2.6. Yйл ажиллагааны зорилт 

Хяналт-шинжилгээ, үнэлгээ, статистик мэдээллийн хэлтсийн гол зорилтын хүрээнд түүнийг хэрэгжүүлэхэд чиглэсэн дор дурдсан үйл ажиллагааны зорилтыг хэрэгжүүлнэ:

2.6.1. Үйл ажиллагааны 1 дүгээр гол зорилтын хүрээнд:

 

2.6.1.1. Хууль тогтоомж, УИХ, Засгийн газрын тогтоол шийдвэрийн хэрэгжилтэд хяналт-шинжилгээ, үнэлгээ хийх;

2.6.1.2. Засгийн газрын үйл ажиллагааны хөтөлбөр, Монгол Улсын эдийн засаг, нийгмийг хөгжүүлэх үндсэн чиглэлийн тус газрын үйл ажиллагааны хүрээнд хамрах арга хэмжээнүүдийн хэрэгжилтэнд хяналт тавих, үр дүнг гаргуулан АМГ-ын удирдлагад танилцуулан холбогдох арга хэмжээг тухай бүр авч хэрэгжүүлэх, Уул уурхайн яаманд тайлагнах;

2.6.1.3. Үр дүнгийн гэрээ, арга хэмжээний гүйцэтгэлийн тайланд хяналт-шинжилгээ хийж, үнэлгээ өгөх, зөвлөмж гаргах;

 

2.6.2. Үйл ажиллагааны 2 дугаар гол зорилтын хүрээнд:

 

2.6.2.1. Геологи, уул уурхай, нүүрсний салбарын статистик мэдээллийн санг бүрдүүлэх;

2.6.2.2. Удирдлага болон иргэд, байгууллагуудыг мэдээллээр хангах;

 

2.6.3. Үйл ажиллагааны 3 дугаар зорилтын хүрээнд:

 

2.6.3.1. Газрын санхүүгийн дотоод аудитын хяналтыг тавих;

2.6.3.2. Ажилтнуудын цаг ашиглалтын байдалд хяналт тавих;

2.6.3.3. Ажлын гүйцэтгэлийн тайлан, төлөвлөгөөний биелэлт, хэрэгжилтэд дотоод хяналт тавих, гүйцэтгэлийг гаргуулан нэгтгэж удирдлагад болон холбогдох байгууллагад тайлагнах ажлыг зохион байгуулах;

2.6.3.4. Урамшуулах болон хариуцлага хүлээлгэх санал боловсруулж удирдлагад танилцуулах;

 

2.6.4. Үйл ажиллагааны 4 дүгээр зорилтын хүрээнд:

 

2.6.4.1. Улсын төсвийн хөрөнгө, өр төлбөр, орлого, зарлага, хөрөнгийн зарцуулалтад дотоод аудитын хяналт тавих;

2.6.4.2. Гадаадын зээл, буцалтгүй тусламжийн хөрөнгөөр санхүүжигдэж байгаа төсөл, хөтөлбөр, хамтын ажиллагааны хүрээнд хийгдсэн гэрээ, хэлэлцээрийн хэрэгжилтэд хяналт-шинжилгээ хийх, үнэлгээ өгөх, зөвлөмж гаргах;

 

2.6.5. Үйл ажиллагааны 5 дугаар зорилтын хүрээнд:

 

2.6.5.1. Газрын ажлын байрны давхардал, сул, дутагдалтай байдалд хяналт шинжилгээ, үнэлгээ хийн санал боловсруулах, удирдлагад танилцуулах;

 

2.6.6. Үйл ажиллагааны 6 дугаар зорилтын хүрээнд:

 

2.6.6.1. Байгууллагын соёл, үйлчилгээ, ажлын зохион байгуулалтын нээлттэй байдлын талаарх иргэдийн сэтгэл ханамжийн судалгааг хагас жил тутам хийх;

2.6.6.2. Судалгааны үр дүнгийн дагуу хяналт-шинжилгээ, үнэлгээ хийх, зөвлөмж боловсруулах, удирдлагад танилцуулах;

 

Гурав. Хяналт-шинжилгээ, үнэлгээ, статистик мэдээллийн хэлтсийн үйл ажиллагааны бүтцийн ерөнхий тогтолцоо, санал болгож буй зохион байгуулалтын бүтэц, түүний чиг үүрэг

 

3.1. Бүтцийн ерөнхий тогтолцоог боловсруулахад баримтлах зарчим

Хяналт-шинжилгээ, үнэлгээ, статистик мэдээллийн хэлтсийн үйл ажиллагааны бүтцийн ерөнхий тогтолцоо, санал болгож буй зохион байгуулалтын бүтцийг боловсруулахад дор дурдсан зарчмыг баримтлав:

 

3.1.1. Хэлтсийн стратегийн зорилтыг бүтцэд тусгасан байх зарчим \тухайн хэлтсийн үйл ажиллагааны бүтцийн тогтолцоо, зохион байгуулалтын бүтэц нь түүний үйл ажиллагааны стратегийн зорилттой уялдсан байх\;

3.1.2. Эрх мэдлийн ялгаа, зааг нь тодорхой, итгэл хүлээхүйц байх зарчим \бүтцийн нэгж, түүний удирдах албан тушаалын түвшин, ямар асуудал эрхэлдэг, ямар эрх мэдэлтэй болохыг тодорхой мэдэж болохуйц байх, түүний ажлын уялдаа, ажиллах чадвар нь итгэл хүлээхүйц байхын зэрэгцээ газрын бусад бүтцийн нэгжийн зорилт, чиг үүрэгтэй давхардахгүй байх\;

3.1.3. Yзэгдэхүйц үйлчилгээний болон стратегийн удирдлагын баримжаатай байх зарчим \бүтцийн нэгжийн нэр нь түүний үйл ажиллагааны стратегийг тусгасан байх\;

3.1.4. Бүтцийн хувьд энгийн байх зарчим \хэлтсийн даргаас хамгийн доод нэгжээ хүртэл хоёроос дээшгүй шат дамжлагатай байх\;

3.1.5. Тэнцвэрийг хангах, хяналтын хүрээг тогтоох зарчим \хэлтсийн үйл ажиллагааны стратеги, бүтэц хоёрын зөв зохистой тэнцвэрийг хангах замаар аль болох хялбар удирдах, хянах боломжтой байх, үйл ажиллагааны стратегийн зорилтыг аль болох оновчтой бүлэглэх замаар бүтцийн ерөнхий тогтолцоог тогтоосон байх, энэ нь удирдлагын чиг үүрэг, хүн хүчний болон бусад нөөцийг зөв хуваарилан хэрэглэгчийнхээ хэрэгцээнд нийцсэн үйлчилгээ үзүүлэх боломжийг бүрдүүлсэн байх\;

3.1.6. Хангалттай чадавхи, бодитой үйл ажиллагааны зарчим \үйл ажиллагааны бүтцийн ерөнхий тогтолцооны загвар, зохион байгуулалтын бүтэц нь чадавхиа бүрэн илрүүлэхэд чиглэсэн хэрэгжихүйц бөгөөд ажиллах чадвартай байх\.

 

3.2. Yйл ажиллагааны бүтцийн ерөнхий тогтолцооны загвар

Дээр дурдсан зарчим болон Хяналт-шинжилгээ, үнэлгээ, статистик мэдээллийн хэлтсийн үйл ажиллагааны стратегийн загварыг үндэслэн тус хэлтсийн үйл ажиллагааны бүтцийн ерөнхий тогтолцооны дараах загварыг санал болгож байна:

 Hyanlt diagram

3.3. Зохион байгуулалтын бүтэц

Хэлтсийн үйл ажиллагааны стратегийн болон бүтцийн ерөнхий тогтолцооны загварыг үндэслэн дор дурдсан зохион байгуулалтын бүтцийн нэгж, түүний үндсэн үүрэг, чиг үүргийг тодорхойлж байна:

 

3.3.1. Ашигт малтмалын газрын үйл ажиллагаанд хяналт-шинжилгээ, үнэлгээ хийх, үр нөлөө, үр ашгийг дээшлүүлэх талаар санал боловсруулах, тайлагнах, хариуцлага тооцох, урамшуулах тогтолцоог боловсронгуй болгох, дотоод аудитын хяналтын тогтолцоог боловсронгуй болгох, геологи, уул уурхай, нүүрсний салбарын статистикийн нэгдсэн санг бүрдүүлэх бүтцийн нэгж, түүний үндсэн үүрэг, чиг үүрэг.

 

Энэ хэлтэс нь АМГ-ын үйл ажиллагааны стратегийн 6 дугаар зорилтын хүрээнд хяналт-шинжилгээ, үнэлгээ хийх, дотоод хяналт тавих болон статистикийн нэгдсэн санг бүрдүүлэх үндсэн үүргийг хүлээж, АМГ-ын ажилтнуудын цаг ашиглалтыг сайжруулах, хууль, тогтоомжийн хэрэгжилтийг хангуулах, дотоод хяналт шалгалтын тогтолцоог буй болгох, удирдлагын шийдвэр, бодлого журмын хэрэгжилтэнд хяналт-шинжилгээ, үнэлгээ хийх, аппаратын үйл ажиллагааны үр нөлөө, үр ашгийг дээшлүүлэх, нэгжүүдийн ажлын уялдаа холбоог сайжруулах, ажлаа тайлагнах, хариуцлага тооцох, үр дүнг үнэлэн дүгнэх, урамшуулах тогтолцоог боловсронгуй болгох ажлыг зохион байгуулах үндсэн чиг үүргийг хэрэгжүүлнэ.

Хяналт-шинжилгээ, үнэлгээ, статистик мэдээллийн хэлтсийн үйл ажиллагаа нь АМГ-ын даргад болон газрын аппаратад шийдвэр боловсруулан гаргах, хэрэгжүүлэхэд шаардлагатай мэдээлэл, зөвлөгөө, дэмжлэгээр хангах, ажилтнуудын үйл ажиллагаа, мэргэшлийн түвшинг үнэлж дүгнэх замаар хэрэгжинэ.
 


Хуудас 2-с 1

Вэб холбоос

  • Уулын ажлын тайлан төлөвлөгөө хүлээн авах

http://inforep.mram.gov.mn

  • Геологийн ажлын тайлан төлөвлөгөө хүлээн авах

http://geology.mram.gov.mn

  • Шинэчлэлийн засгийн газрын вэб сайт

http://zasag.mn/

  • Уул уурхайн яам

http://www.mm.gov.mn

  • Дэлхийн банк

http://web.worldbank.org

  • Уул уурхайн салбарын институцийг бэхжүүлэх техникийн туслалцааны төсөл

http://www.msistap.org